【影片攝於2020-2021球季季尾，球員散聚有時，祝願所有香港足球員新球季一切順利，遠離傷病】
【港超聯21/22 就開咧喇，謹以本片向各位對香港球壇不離不棄的球迷們】
 

成日聽到外國嘅球迷支持左自己嘅球隊超過幾多十年，所謂嘅「One Life One Team」。有無諗過其實香港都會有球迷支持本地嘅球會超過40年呢？
 

賽馬會「開聲體」體育口述影像服務响舉辦睇波活動過程中認識到景發，原來佢由八、九歲就開始就支持流浪隊，到依家已經40幾年。 景發見證過流浪奪標，亦都曾經為球隊降班而流淚，都依然不離不棄，再陪住球隊由丙組打返上甲組，去到依家嘅港超聯。
 

景發嘅眼睛睇得唔清楚，所以近年都好少入球場睇波，只能夠睇網上直播默默支持流浪，直至賽馬會「開聲體」體育口述影像服務嘅出現，令佢可以再次走入球場，為心愛嘅球隊打氣。好似景發呢啲死忠球迷絕對值得嘉許，於是我哋就聯同標準流浪聯手炮製左一個驚喜俾景發喇。

鳴謝：標準流浪, Real Glory x Super Fans 球衣專門店

#賽馬會開聲體體育口述影像服務, #香港賽馬會慈善信託基金, #JCSportsProgrammeswithAudiodescriptionService, #體育口述影像 #口述影像, #視障人士, #標準流浪, #為標準流汗, #香港波, #我撐本地波, #港超聯, #香港足球, #林嘉緯, #盧均宜, #基藍馬, #陳肇鈞

只顯示部分資訊