跳到主要內容

第二屆「開聲體」體育口述影像評述訓練班招募

第二屆「開聲體」體育口述影像評述訓練班招募

早前大家追蹤傑志亞冠盃表現時,有冇留意到電視直播嗰陣有第二聲道體育口述影像評述呢?

其實體育口述影像評述係為視障朋友提供體育賽事嘅口述影像服務,內容比一般評述更貼近當刻發生嘅情況,更仔細描述運動員嘅外表同動作等資訊,再將眼見所得轉化成為聲音傳遞到視障朋友嘅耳仔,讓視障體育迷同大家都可以同步欣賞賽事,緊貼比賽形勢。

去年「開聲體」體育口述影像服務舉辦第一屆體育口述影像評述訓練課程,反應非常踴躍,學員積極參與理論課堂同實踐學習之下,成為我哋嘅評述員一分子,為到視障體育迷提供服務,一齊睇波、奧運、甚至一級方程式!

如果自問觀察力強、口齒伶俐並善於表達,又想透過自己嘅聲音導航同視障朋友一齊觀賞唔同嘅比賽,請你唔好猶豫,快啲報名參加「開聲體」舉辦嘅第二屆體育口述影像評述訓練課程喇!

報名後我哋會於6月進行遴選,成功通過遴選嘅你哋就會進入一連串課堂同訓練,詳情可以參閱Google Forms報名表裡面嘅資訊,期望訓練班上見到大家,為口述影像評述注入生力軍!

報名傳送門:

https://forms.gle/pCMAHXcvhDMmmgAJ9

更多節目預告

賽馬會開聲體體育口述影像服務與深水埗體育會足球隊結成社區合作夥伴
19-08-2023
2023/24 港超聯即將開鑼!賽馬會開聲體好高興同大家宣布,將會同深水埗體育會足球隊結成社區合作夥伴。  8月16日,深水埗體育會足球隊總監高俊基(高sir) 同副隊長梁星耀特登嚟到協進會觀塘會址,响賽馬會開聲體顧問李德能嘅見證之下,同我地會長黃俊恒(Billy) 及副會長陳志剛 (Alex) 交換波衫,象徵雙方嘅合作正式開始。 今季開始,賽馬會開聲體將會為10場深水埗嘅港超聯主場賽事提供體育口述影像服務,只要去到賽馬會開聲體嘅youtube channel 同網台就可以聽到。留意,如果場波本身係東網同港台32直播嘅場次,無論係收費定免費,我地會於完場後一個半小時上傳整場賽事嘅聲音描述,而其他非收費直播場次,就會實時作聲音直播。各位視障球迷或者其他對體育口述影像感興趣嘅公眾,就可以成季緊貼住深水埗嘅比賽喇!當然有部分場次我地會組織視障朋友實體入場,親身支持深水埗啦! …
世界頂尖女足賽事 - 精選賽事提供即時聲音直播體育口述影像服務
28-07-2023
歐洲各大聯賽抖𡁵暑,都繼續有其他足球賽事接力!我哋將於7月31日開始,為正喺大洋洲如火如荼上演𡁵嘅「世界頂尖女足賽事」部份比賽提供體育口述影像服務。 我哋好榮幸,再次得到 Now Sports 嘅支持,提供今屆世界頂尖女足賽事嘅現場環境聲,再授權我哋使用及加入體育口述影像員嘅聲音,為視障球迷送上精彩嘅聲音直播,等我哋可以全程投入及參與呢項盛事。 為大家提供體育口述影像服務嘅,繼續有資深體育評述員同我哋自家青訓嘅口述影像員。 以下為預定提供聲音直播的賽程 7月31日(二)下午3時:【C組】日本對西班牙 / 體育口述影像員:
7月31日(二)下午6時:【B組】加拿大對澳洲 / 體育口述影像員:
8月1日(三)下午3時:  【E組】葡萄牙對美國 / 體育口述影像員:
8月1日(五)下午7時:  【D組】英格蘭對中國 / 體育口述影像員: