跳到主要內容

港台電視直播亞協杯2022分組賽 第二聲道繼續有體育口述影像服務

港台電視直播亞協杯2022

6月底我地繼續支持香港運動員,因為本地球隊東方龍獅及理文,將會飛到泰國參與亞協杯2022年分組賽嘅賽事,同組仲有來自台灣,請左我地嘉諾sir執教嘅台南市FC。

分組賽以單循環形式進行,三場比賽將繼續由港台電視獨家直播,第二聲道當然都會有體育口述影像服務,等大家可以緊貼賽事嘅每個時刻。

亞協杯賽程(比賽時間待定,更新至6月14日)

6月24日 東方龍獅 對 理文

6月27日 理文 對 台南市FC

6月30日 東方龍獅 對 台南市FC

更多節目預告

港台電視直播東亞杯賽事,繼續有體育口述影像服務
14-06-2022
7月繼續撐港隊,因為香港足球代表隊將會參加東亞杯足球賽,對手分別係亞洲頂尖球隊日本、南韓以及中國, 港台電視將會獨家直播全部6場賽事,第二聲道繼續會有體育口述影像服務,等大家可以安座家中支持心儀嘅球隊。 東亞杯賽程(更新至6月14日) 7月19日 18:20 日本 對 香港 7月20日 18:00 南韓 對 中國 7月24日 15:00 香港 對 南韓 7月24日 18:20 日本 對 中國 7月27日 15:00 香港 對 中國 7月27日 18:20 日本 對 南韓
第二屆「開聲體」體育口述影像評述訓練班招募
09-06-2022
早前大家追蹤傑志亞冠盃表現時,有冇留意到電視直播嗰陣有第二聲道體育口述影像評述呢? 其實體育口述影像評述係為視障朋友提供體育賽事嘅口述影像服務,內容比一般評述更貼近當刻發生嘅情況,更仔細描述運動員嘅外表同動作等資訊,再將眼見所得轉化成為聲音傳遞到視障朋友嘅耳仔,讓視障體育迷同大家都可以同步欣賞賽事,緊貼比賽形勢。 去年「開聲體」體育口述影像服務舉辦第一屆體育口述影像評述訓練課程,反應非常踴躍,學員積極參與理論課堂同實踐學習之下,成為我哋嘅評述員一分子,為到視障體育迷提供服務,一齊睇波、奧運、甚至一級方程式! 如果自問觀察力強、口齒伶俐並善於表達,又想透過自己嘅聲音導航同視障朋友一齊觀賞唔同嘅比賽,請你唔好猶豫,快啲報名參加「開聲體」舉辦嘅第二屆體育口述影像評述訓練課程喇! 報名後我哋會於6月進行遴選,成功通過遴選嘅你哋就會進入一連串課堂同訓練,詳情可以參閱Google…